 بيني وبينك
من تعبر ليلك وتهاجر
وتشوف الدنيا بلون اخر
ويصير ذراعك دفه
وكل العالم موج وهادر
وبنادم مثل الطير الحر
مايهوى الوادي وبيه يكفر
وحده من اثنين اختار
الماضي الميت عشنه بحيره
وما نعرف بالدنيا شصارالدنيا
زغيره وبيها بنادم
بخسه اسعاره وما يسوه
بسوگ التجار
اعبر حتى تشوف الدنيا
مثل الشافوها بمنظار
بيها فنون ونور
والغاز واسرار
ودوله ماتشبه دوله
والحاكم حارس ابار
والجار يبوگ من الجار
شك بالعالم لكن بالحب
لا والاشعار
كل حي بالدنيا عليه
موته
غنوها هواي الزوار
وكل عود الخضر من
يعطش
ياخذ من طبع المنشار
بنادم يندل وما يندل
مايندم من يسبح ضد
التيار
هاي الجنه وذيچ النار
وحده من اثنين اختار
أرسلت بواسطة: أدارة الموقع | التاريخ: 09-02-2018 | الوقـت: 04:44:44 مساءا |
|
