جانت بوحله السفينه
مغرسه وغاطيها طين
وانتظرنا الريح يهتز الشراع
ونوصل ارض الياسمين
ومن اجتنا،،
العين خلص كل دمعها
والعمر بتله السنين
الراس بالشيب اشتعل
والكلب كلش حزين
مستحيل وحلم نجتاز الجدار
احلامنا احلام السجين
الدنيا ظلمه لو نهار
تريد من عندك قرار
واحنه شك بلا يقين
يحيط بالبيت الحصار
والرفاق بلا قضيه
وباك حصتنه الشعار
بلا هويه معممين
والبعد اسلم طريق
بعد مانحمل انين
الدنيا صارتلي امتحان
وساعه سوده
انجان نبقه مجتفين
والسفينه مغرسه وغاطيها طين
أرسلت بواسطة: أدارة الموقع | التاريخ: 06-03-2018 | الوقـت: 02:29:43 مساءا |
|